Il schoc è stà grond cura ch'el haja survegnì il telefon da ses manader da filiala la mesemna saira, raquinta Luzi Thomann. Il levgiament saja dentant fitg grond che naginas persunas sajan sa blessadas u perfin mortas. Uss saja la lavur da salvar quai ch'ins possia anc duvrar e da s'installar en ina nova localitad.
Impressiuns dals donns dal fieu dal depot da posta.
-
Bild 1 von 3Legenda: In dals autos da posta brischads. RTR, Tona Poltera -
Bild 2 von 3Legenda: Devastaziun totala tras il fieu. RTR, Tona Poltera
-
Bild 3 von 3Legenda: Impressiun dal lieu suenter il fieu. RTR, Tona Poltera
Chattà soluziun intermediara a Trimmis
Gia a partir da l'emna che vegn avra Luzi Thomann ina filiala temporara a Trimmis per che ses 40 collavuraturs da la garascha pertutgada possian lavurar enavant. Er la filiala a la via industriala a Cuira vegnia nizzegiada ha Luzi Thomann ditg sin dumonda.
Donns da plirs 100'000 francs
La summa exacta dals donns per sia filiala na saja betg anc eruida. Luzi Thomman quinta dentant cun plirs 100 milli francs. Il motiv per l'incendi en il depot dals autos da posta vegn sclerì actualmain dals spezialists da la polizia chantunala.
RR actualitad 17:20