Tenor la Polizia chantunala saja in part da las harassas cupitgada en la storta da l'entrada a l'autostrada. Quellas han lura rut tras la blatga dal camiun ed èn sa tschentadas sin via.
Tar l'incap èn ina gronda part da las buttiglias da gervosa idas en tocca. Radund 1'000 gervosa sajan uschia ids ora, uschia scriva la Polizia chantunala.
Durant las lavurs da rumida è l'entrada a l'autostrada A13 en direcziun nord stada serrada per radund duas uras e mesa.