Ad interim surpiglia il cusseglier da la citad e schef dal departament 3, Tom Leibundgut, la direcziun dal post dals servetschs da construcziun auta, quai communitgescha la citad da Cuira.
Il departament 3 è vegnì reorganisà. Perquai che Leibundgut e Göldi èn da differents avis davart l'organisaziun dal post, èn els sa cunvegnids che Göldi dat giu ses post.
Il mument vegn examinà, sche Göldi po surpigliar novas incumbensas entaifer l'organisaziun. Göldi è stà 8 onns architect da la citad.
RR novitads 11:00