Il quint communal da Domat serra per in milliun francs meglier che quintà. Enstagl d'in deficit da bunamain 900'000 francs budgetà scriva la quart gronda vischnanca dal chantun in plus da 150'000 francs.
En total ha Domat registrà l'onn passà entradas da 38,2 milliuns francs. Quai resulta dals documents publitgads. La suprastanza communala propona al cussegl communal da metter quests daners en las reservas ch'èn da nov sin 35,3 milliuns francs.
