Ulteriur Grischun - Donn total sin l'A13 tar Cuira
Glindesdi suentermezdi hai dà in accident sin l’autostrada A13 tar Cuira. In auto saja donnegià cumplettamain, ha communitgà la Polizia chantunala. Ina automobilista charrava sin il vial da surpassar sin l’autostrada en direcziun da Cuira.
Curt avant la sortida Cuira Sid ha anc in auter auto tuttenina midà sin il vial da surpassar. Per impedir ina collisiun è l’automobilista guntgida a sanestra ed è ida cunter la saiv directiva.
L’automobilist davant ella n’ha forsa betg badà l’accident ed è charrà vinavant.
