Sco quai che las bancas communitgeschan, sajan ins il mument vi d’elavurar las modalitads uschia che la radunanza generala pudess decider la primavaira en chaussa.
Tut las 7 filialas duain restar avertas
Cun la fusiun dessi ina banca Raiffeisen cun radund 60 collavuraturs ed ina summa da bilantscha da 1,4 milliardas francs. Sco quai che Tino Zanetti, il president dal cussegl d’administraziun ha confermà, restian tut las 7 filialas er vinavant avertas.
La banca Raiffeisen Svizra sa cumpona da 270 bancas independentas cun radund 1000 filialas.
RR actualitad 12:00