L'accident è capità gievgia suentermezdi curt suenter las 14:00 uras. Durant lavurs da controlla vid in tableau saja l'um sa blessà. Per motivs anc betg enconuschents hai dà in circuit curt e l'electricist è vegnì tutgà d'in artg electric. Cun arsentadas en fatscha e vid ils mauns è l'um vegnì transportà en l'ospital. Er ils pumpiers da Cuira èn stads en funcziun cun 10 persunas pervi da l'annunzia. L'accident vegn examinà da la polizia e da la procura publica.
RR novitads 10:00