Legenda:
La fermada da posta tar il vitg da Heidi a Maiavilla.
mad
cuntegn
Ulteriur Grischun - Emprima lingia directa da bus tranter GR e FL
Il Grischun ed il Principadi dal Lichtenstein collia a partir da questa sonda ina lingia da bus directa. Tranter il matg e l'october cursescha il «bus da Heidi» tranter la staziun da Maiavilla e Balzers. Fin ussa deva quai sulet in bus da shuttle da la staziun Maiavilla fin il vitg da Heidi.
Sco quai che la Posta svizra, la gestiunaria da la nova lingia, communitgescha hajan la citad da Maiavilla, la Heididorf SA, l'Uffizi d'energia e traffic dal Grischun e Auto da Posta Svizra decidì da schlargiar il servetsch dal bus da shuttle cun ina lingia che cursescha da Maiavilla fin a Balzers. Il bus cursescha las fin d'emnas ed ils dis da firà publics, mintga di trais giadas.
Per ils 8 kilometers tranter Maiavilla e Balzers dovra il bus 12 minutas. Cunquai croda il viadi da 46 minutas via Sargans.
