Legenda:
La vischnanca da Ferrera/Schmitten.
RTR, F. Belotti
cuntegn
Ulteriur Grischun - Ferrera vul pli gugent cun Tavau che cun Alvra
Ferrera/Schmitten vul pli gugent cun Tavau che cun Albula/Alvra. La radunanza communala ha refusà per la terza giada la proposta d'entrar en tractativas da fusiun cun la vischnanca Albula/Alvra.
Cun 49 gea cunter 56 na han quels da Ferrera/Schmitten refusà la proposta, rapporta l'agentura da novitads rumantscha ANR. Els prefereschan dentant d'entrar en tractativas da fusiun cun la vischnanca da Tavau. Lezza proposta ha la radunanza approvà cun 60 gea cunter 46 na.
Ussa ha la suprastanza da contactar Tavau che n'ha fin ussa betg prendì posiziun pli clera.
