Da quai da 550 atlets cun impediment spiertals, blers gidanters, in grond public, la moderatura Christa Rigozzi e l'anteriur skiunz Bernhard Russi han avert uffizialmain ils National Winter Games a Cuira. Quai suenter in cortegi che ha manà ils atlets la gievgia saira cun musica ed artists da via davent da la Halla da la citad sin l'Arcas.
Bler fieu era per la populaziun
Ils National Winter Games duran enfin dumengia. Ils atlets sa mesiran en las disciplinas ski alpin, snowboard, passlung ed unihockey. Quest'occurrenza na cumpiglian però betg mo concurrenzas sportivas, mabain era blers arranschaments per il public. Uschia per exempel la saira da Cuira a la quala ch'i vegn tenor il program a dar ina atmosfera da stans da fiera.
Per la festa da finiziun la dumengia vegn spetgada la visita dal nov Cusseglier federal, il minister da sport svizzer Guy Parmelin.
RR novitads 11:00