-
Bild 1 von 8. La pli gronda punt artgada en Svizra. Bildquelle: RTR, Angela Hendry.
-
Bild 2 von 8. Ils uffants da la vischnanca dastgan ir cun velo sin in vial spezial. Bildquelle: RTR, Angela Hendry.
-
Bild 3 von 8. Sin il vial da velos dastgan pitschen e grond empruvar lur cletg. Bildquelle: RTR, Angela Hendry.
-
Bild 4 von 8. Ils scolars da la vischnanca da Faveras fan gieus sin la punt. Bildquelle: RTR, Angela Hendry.
-
Bild 5 von 8. L'auto da pumpiers è ina da las attracziuns. Bildquelle: RTR, Angela Hendry.
-
Bild 6 von 8. Vista davent da la punt. Bildquelle: RTR, Angela Hendry.
-
Bild 7 von 8. Vista da l'autra vart da la punt. Bildquelle: RTR, Angela Hendry.
-
Bild 8 von 8. Las preparativas per la festa giran. Bildquelle: RTR, Angela Hendry.
La punt collia Faveras cun Valens. Enfin ussa duvrav’ins mes’ura cun auto, dad in lieu a l’auter, cun la nova punt pon ins ir a pe en in pèr minutas dad in lieu a l’auter.
La punt collia
Per Ferdinand Riederer, president dal comité d’organisaziun ed anteriur president da la vischnanca da Faveras, ha la punt in’enorma muntada. Ella collia las scolas, ils pumpiers e las duas clinicas, dentant era l’agricultura ed il commerzi. La populaziun saja uss unida.
Festa spectaculara
Daditg hajan ils abitants siemià da questa punt. Uschia hajan blers fatg a mogna da sa participar vi da l’organisaziun da la festa. Sper ina festa cun DJs amez la punt datti tranter auter era ina show da velos che sgolan sur ina rampa, musica da tut ils geners, in martgà cun spezialitads regiunalas ed ina concurrenza da marschar da 12 uniuns da musica sin la punt. La populaziun saja intgantada e veglia festivar quai da rudent, di Ferdinand Riederer. Ils 22 da zercladur vegn la punt surdada als autos ed als automobilists.
RR actualitad 11:00