cuntegn
Ulteriur Grischun
-
IBC Cuira sbassa ils pretschs per il gas
La decisiun da la Banca naziunala svizra d'abolir il curs minimal da l'euro ha er in’influenza sin il pretsch da gas. Perquai sbassa la IBC, la societad per il provediment d’energia ed aua a Cuira, ils pretschs da gas retroactiv per il prim da favrer 2015 per 0,8 raps per ura kilowatt.
Sco quai che la IBC communitgescha, spargnia ina chasa d'ina famiglia cun in consum d'energia da 20’000 uras kilowatt uschia 160 francs l'onn. Ils pretschs da gas sa cumponan da dus facturs. Dad ina vart èn quai ils custs per il transport, da l’autra vart ils custs per la quantitad da gas che vegn furnida.
RR novitads 10:00
