- Il bajetg da vendita da la Landi, il magazin ed la stizun dal tancadi èn devastads dal tuttafatg. Ils donns tras il brischament n'èn anc betg enconuschents.
- Il fieu saja sut controlla ha ditg Markus Walser, pledader da la polizia chantunala. Entrar en la ruina n'han els dentant anc betg pudì, il privel ch'il bajetg pudess dar ensemen è memia grond. Ils pumpiers èn en acziun cun radund 150 persunas.
- Il fieu saja rut ora uschè svelt ch'i na saja anc betg cler, sch'igl aveva anc persunas en l'intern da la butia. Ils collavuraturs han tuts pudì mitschar dal fieu. Dus collavuraturs hajan stuì ir en l'ospital pervi d'ina tissientada da fim supponida.
- La polizia supplitgescha la populaziun da Tusaun da laschar serrà las fanestras.
- Il tancadi d'Agrola dasper la butia da la Landi n'ha betg piglià fieu.
- Per tge motivs ch'igl ha cumenzà a brischar n'è anc betg enconuschent.
Anfang Bildergalerie
Bildergalerie überspringen
-
Bild 1 von 10. La stizun e arsa dal tuttafatg. Bildquelle: mad Daniel Meisser.
-
Bild 2 von 10. Il fieu e stizzà. Bildquelle: RTR, Linus Livers .
-
Bild 3 von 10. Il tancadi n'ha betg ars. Bildquelle: RTR, Linus Livers .
-
Bild 4 von 10. Cuot suenter las 11 è la situaziun stada precara. Bildquelle: RTR, Linus Livers .
-
Bild 5 von 10. L'entir bajetg da la Landi arda il mument. Bildquelle: MAD, Daniel Meisser.
-
Bild 6 von 10. La Landi a Tusaun arda fieu e flomma. Bildquelle: mad, Michael Sutz.
-
Bild 7 von 10. Las flommas èn da vesair gia dalunsch. Bildquelle: mad, Michael Sutz.
-
Bild 8 von 10. La Landi a Tusaun en fieu e flomma. Bildquelle: RTR, Linus Livers.
-
Bild 9 von 10. Anc adina è la polizia vid stizzar il fieu a Tusaun. Bildquelle: RTR, Linus Livers.
-
Bild 10 von 10. Da vesair è quasi mo pli la ruina da la butia ch'è arsa. Bildquelle: RTR, Linus Livers.
Ende der Bildergalerie
Zurück zum Anfang der Bildergalerie.
Quai èn il mument las infurmaziuns uffizialas da la polizia davart il fieu. Nus actualisain cuntinuadamain las infurmaziuns.
Landi Tusaun
La Landi Tusaun è dapi il favrer 2011 al lieu actual. Ella ha ina surfatscha da vendita da 850 meters quadrat e terren da 700 meters quadrat al liber. Cun quai è la surfatscha quatter giadas pli gronda che al lieu avant. In tancadi dad Agrola è lura pli tard vegnì vitiers.
Avant in onn è mez avevi dà en vischinanza in grond incendi en ina scrinaria.
RR novitads 12:00