-
Bild 1 von 7. Cusseglier da la citad Tom Leibundgut cun ils responsabels per la realisaziun da la nova plazza da gieu Quader. Bildquelle: RTR, Gierina Gabriel.
-
Bild 2 von 7. L' emprim uffant ha dastga duvrar la ruschnera. Bildquelle: RTR, Gierina Gabriel.
-
Bild 3 von 7. Oravant tut las numerusas pussaivladads per raiver plaschan ad ils uffants. Bildquelle: RTR, Gierina Gabriel.
-
Bild 4 von 7. La gronda part da la plazza sa sanfla en l' umbriva. Bildquelle: RTR, Gierina Gabriel.
-
Bild 5 von 7. Ils bastuns cotschens anflan ins sin l'entira plazza da gieu sco segn caracteristic. Bildquelle: RTR, Gierina Gabriel.
-
Bild 6 von 7. Las installaziuns d' aua eran era d' anflar sin la veglia plazza da gieu. Bildquelle: RTR, Gierina Gabriel.
-
Bild 7 von 7. Elements caracteristics da la veglia plazza da gieu han ins mantegnì. Bildquelle: RTR, Gierina Gabriel.
La plazza da gieu Quader saja la pli impurtanta e gronda plazza da gieu gist sper il center da Cuira, declera il cusseglier da la citad, Tom Leibundgut, avant che dar liber per il public las installaziuns. Ina tala plazza na stoppia esser concepida betg be per uffants, mabain era per lur geniturs.La reconstrucziun da la plazza da gieu è stada necessaria perquai ch'igl è vegnì construì ina nova sutstaziun da l'ovra electrica en quest lieu.
Al medem mument è vegnì inaugurà er in nov spazi liber sin il vegl areal da la plazza da glatsch artifizial (KEB) tar la via da Calanda. Quest spazi fa part d' in nov quartier d'abitar.
Chastels-trampolin e teater da chasperets
Malgrà las temperaturas autas han radund 5'000 visitaders fatg part dal di da gieu sin la Quaderwiese. Concerts per uffants, chastels-trampolin e teater da chasperets tutgan tar il program. Pervia da las temperaturas autas ha la citad da Cuira montà quest onn uders per sa rinfrestgar.
L' occurenza è vegnida organisada per la 19avla giada da la Pro Juventute Grischun ed il Club da Rotary/Rotaract Cuira-Signuradi. Quai cun agid da 120 gidanters e gidantras.
RR actualitad 12:05