Il toc «Frau» è l'istorgia da la Virgina Woolf. Ella è naschida il 1882 ed è stada ina da las pli enconuschentas auturas da la classica moderna. Quests temps bels e creativs èn adina puspe vegnids interruts da grevas depressiuns. Il 1941 ha ella fatg suicidi.
Agata Lawniczak ha creà ina choreografia per 35 sautunzas e sautunzs. Tranter els era Kristina Matanovic da Savognin e Gaetano Sibilia da Cuira. La surmirana sa deditgescha dapi dus onns al saut oriental. Gaetano Sibilia sauta differents stils ed entschaiva en curt ina scolaziun da sautar. Omadus han ina gronda fascinaziun per il saut.