Legenda:
Sin l'areal da la EMS-Chemie ha brischà in bajetg da producziun la notg passada.
MAD
cuntegn
Ulteriur Grischun - Incendi tar la EMS-Chemie
Sin l'areal da la Ems-Chemie a Domat è rut ora questa notg in incendi tar in bajetg da producziun.Blessads n'hai dà nagins. Tut ils collavuraturs hajan pudì bandunar ad uras il bajetg. Quai communitgescha la Polizia chantunala.
Ils radund 60 pumpiers da la EMS-Chemie e da Panaduz/Razén han spertamain gì sut controlla il fieu. Aifer duas uras è quel stà stizzà. Per l'ambient n'hai betg dà in privel. Ils proxims dis vegn ins puspè a metter en funcziun las producziuns, furniziuns da clients n'èn betg pertutgadas.
La raschun per l'incendi n'è anc betg clera ed er betg quant grond ch'il donn da material è. La Polizia chantunala examinescha la causa da l'incendi.
Legenda:
La polizia chantunala ha survegnì a las 4.22 l'avis che sin l'areal da la EMs-Chemie è rut ora in fieu.
RTR, Gierina Gabriel
