Ulteriur Grischun - Investiziuns da milliuns al Plantahof
Il Plantahof a Landquart prevesa da far investiziuns da radund 30 milliuns francs ils proxims onns, quai per renovar la sala da mangiar, las stanzas da scola e l'internat. Uschia è vegnì communitgà a la sesida dal club da purs dal Cussegl grond.
Sco quai ch'il directur Peter Küchler ha ditg sin dumonda dal «Bündner Tagblatt» na dettia quai però anc naginas decisiuns liantas.
Uschè prest che la regenza grischuna haja prendi ina decisiun da principi possia il project dentant vegnir lantschà. En vista a l'autezza dals custs sto il project vegnir approvà tant dal Cussegl grond sco er dal pievel.