Passa 15 onns è Armin Flütsch stà president da la plaiv da St. Antönien. Durant quai temp fascheva l’electricher dal vitg la midada fin che quel na pudeva in bel di betg pli raiver da las taissas e stretgas stgalas dal clutger siador. Uschia ha Armin Flütsch che posseda ina fatschenta da bajegiar accumpagnà l’electricher ina giada e surprendì il job da midar l’ura baselgia.
Sch'i tutga da memia u memia pauc na fa nagut
L’um da 56 onns habitescha e lavura a St. Antönien ed ha perquai adina puspè in egl sin l’ura baselgia. Sche l’ura da 103 onns na constat ina giada betg, p. ex. pervi da grondas differenzas da temperatura, va Armin Flütsch era tranteren spert sur mezdi ubain la saira suenter la lavur a drizzar l’ura. Sch’i tutga lura in pèr giadas da memia u memia pauc, quai na disturba tenor el betg ils da St. Antönien. Perquai na mida Armin Flütsch era betg l’ura da las duas sin las trais da la notg mabain da las 23:00 sin las 00:00.
Mecen american
L’emprima ura ha il clutger baselgia da St. Antönien gia survegnì l’onn 1677, var 200 onns suenter ch’ella è vegnida bajegiada. L’ura actuala è dapi la revisiun dal tetg l’onn 1913 vid il clutger, pajada dad in um ordiund dal vitg vaschin Ascharina ch’è dentant emmigrà en ils Stadis Unids.
-
Bild 1 von 13. Armin Flütsch avant il tunnel che maina tras ils gross mirs da crap en l'intern dal clutger. Bildquelle: RTR, G. G. Flepp.
-
Bild 2 von 13. Las taissas e stretgas stgalas en il clutger baselgia. Bildquelle: RTR, G. G. Flepp.
-
Bild 3 von 13. Anc ina stgala taissa e stretga... Bildquelle: RTR, G. G. Flepp.
-
Bild 4 von 13. La mecanica da l'ura baselgia da St. Antönien. Bildquelle: RTR, G. G. Flepp.
-
Bild 5 von 13. L'ura pitschna ch'inditgescha il temp da l'ura gronda ordador vi dal clutger. Bildquelle: RTR, G. G. Flepp.
-
Bild 6 von 13. La midada ei fatga. Bildquelle: RTR, G. G. Flepp.
-
Bild 7 von 13. Las rodas da dents che collian las lantschettas grondas ordador cun l'ura endadens. Bildquelle: RTR, G. G. Flepp.
-
Bild 8 von 13. Las sugas che colligian l'ura cun ils zenns. Bildquelle: RTR, G. G. Flepp.
-
Bild 9 von 13. Armin Flütsch sisum il clutger sut in zenn. Bildquelle: RTR, G. G. Flepp.
-
Bild 10 von 13. In zenn da la baselgia da St. Antönien. Bildquelle: RTR, G. G. Flepp.
-
Bild 11 von 13. In auter zenn che tutga mintg'ura. Bildquelle: RTR, G. G. Flepp.
-
Bild 12 von 13. Vista dal pitschen tunnel che maina dal clutger puspè anora en baselgia. Bildquelle: RTR, G. G. Flepp.
-
Bild 13 von 13. L'intern da la baselgia da St. Antönien cun l'orgla da l'onn 1730 (dapi 1966 a St. Antönien). Bildquelle: RTR, G. G. Flepp.