-
Bild 1 von 3. En il territori da skis a Mustér hai il mument avunda naiv. Bildquelle: Keystone.
-
Bild 2 von 3. Anc il december vesevi ora uschia en il territori da skis a Breil uss è la naiv arrivada. Bildquelle: RTR, G. Hosang.
-
Bild 3 von 3. La sutgera si Brambrüesch na vegn betg pli ad esser vita suenter che la naiv è arrivada. Bildquelle: Keystone.
En Surselva è la naiv bainvegnida. Uschia tar las pendicularas Breil Vuorz Andiast nua ch’ils chanuns da naiv n’aveva betg pudì vegnir mess en funcziun pervi da las temperaturas autas. Uss è la naiv arrivada e Beat Zenklusen responsabel da las pendicularas Breil Vuorz Andiast è optimistic ch’ils deficits dal cumenzament da la stagiun pon anc vegnir prendids suenter e che las finamiras pon vegnir cuntanschidas.
Er si Mustér èn ins cuntents cun la naiv
Sur ils firads da Nadal n’han ils runals e las sutgeras da las pendicularas da Mustér betg pudì vegnir averts. Las pendicularas da Mustér na possedan era betg chanuns da naiv. El decurs dal schaner èsi stà pussaivel d’avrir l’emprima pista dal territori e cun la naiv er la secunda pista, ha ditg il directur da las pendicularas Mustér Rudolf Büchi. Uss stoppian las pistas dentant l’emprim vegnir segiradas avant las lavinas, ha ditg Büchi. Sulet il runal il pli sisum il territori da skis a Mustér na po il mument betg vegnir avert, il motiv è che la naiv dal november manca ed il runal è en in territori fitg grippus e maina sin prest 3’000 meters sur mar.
Er Brambrüesch ha pudì avrir las portas
Perfetga n'è la situaziun natiralmain betg anc. Spendrada è la stagiun d’enviern era betg cun la naiv dals davos dis, ha ditg la pledadra da las pendiculars Brambrüesch Manuela Seeli. Perquai giavischa uss Seeli anc in zic naiv ils proxims dis. «Uss anc 50 centimeters naiv e durant las fins d’emnas e las vacanzas sulegl e tschiel blau. Quai fiss il pli optimal», ha ditg Seeli a RTR.
RR Actualitad bunura 06:00+