Ulteriur Grischun - La pli gronda festa da tschaiver
La musica da tschaiver «Schamaroper Poper» ha envidà al bal da musicas da tschaiver. Reclama han els fatg il suentermezdi cun laschar sunar entamez la citad da Cuira. Millis han dà suatientscha a l’invitaziun.
Legenda:
La musica da tschaiver da Lucerna ha stuì star da stretg.
RTR, Angela Hendry
2 / 13
Legenda:
Las musicas da tschaiver han pudì sa preschentar sin la tribuna da puntanadas.
RTR, Angela Hendry
3 / 13
Legenda:
Intgins uffants eran costumads.
RTR, Angela Hendry
4 / 13
Legenda:
Creschids costumads eran l'excepziun.
RTR, Angela Hendry
5 / 13
Legenda:
L'aura per il concert en il liber è stada perfetga.
RTR, Angela Hendry
6 / 13
Legenda:
Era las Bagordas da Mustér han dastgà sa preschentar.
RTR, Angela Hendry
7 / 13
Legenda:
Giuven e vegl han giudì ils concerts da las musicas da tschaiver.
RTR, Angela Hendry
8 / 13
Legenda:
La halla da la citad da Cuira fascheva la parita d'ina fiera.
RTR, Angela Hendry
9 / 13
Legenda:
La tribuna da la saira era pli gronda.
RTR, Angela Hendry
10 / 13
Legenda:
Sur tut las ulteriuras musicas da tschaiver han sautà tar las preschentaziuns.
RTR, Angela Hendry
11 / 13
Legenda:
Avunda da baiver era avant maun.
RTR, Angela Hendry
12 / 13
Legenda:
La halla da la citad da Cuira era bain emplenida.
RTR, Angela Hendry
13 / 13
Legenda:
Era pussaivladads da seser eran avant maun.
RTR, Angela Hendry
La festa en cifras
Avrir la boxSerrar la box
8 guggas èn da la partida
55 commembers han ils «Schamaroper Poper»
110 persunas lavuran la saira
2'000 aspectaturs vegnan spetgads
Gia il suentermezdi han las musicas da tschaiver concertà sin la plazza Alexander tar la via da la staziun a Cuira. Sin ina pitschna tribuna da puntanadas ha mintga musica sunà 3-4 chanzuns. Da la partida era la musica da tschaiver Las Bagordas da Mustér. Quai saja tuttina sch’els sunian avant 5 ni avant 2’000 persunas, ha ditg Clau Dermon, il president da Las Bagordas, els dettian adina tut.
audio
Bunura: Impressiuns dal bal da guggas a Cuira
03:07 min, ord Actualitad dals 29.01.2018.
laschar ir. Durada: 3 minutas 7 Secundas.
La festa attira millis
La saira, en la halla da la citad da Cuira, hai dà in auter public. Nagins uffants, blers giuvens e giuvnas, intgins anteriurs commembers da guggas pli vegls. La halla veseva ora in zic sco ina fiera, cun divers stans da bavronda e maglia.
Organisada vegn la festa da la musica da tschaiver «Schamaroper Poper» da Cuira. Radund 2’000 visitaders vegnan spetgads. Gianin Bergamin da la musica da tschaiver da Cuira è losch da la festa. Ils da Cuira e conturn hajan gugent il tschaiver e fetschian gugent festa. E la maschaida da musicas da tschaiver renumadas e da musicas da la regiun carmalia blera glieud.
