A Panaduz è in lavurer sa blessà grevamain il mardi suentermezdi perquai ch'el è crudà giu. Sco quai che la polizia chantunala communitgescha era l'um da 58 onns vidlonder d'allontanar l'armadira da paraids da betun. Latiers è el crudà tras in'aissa rutta e dà giu sin ina platta da betun 6 meters pli bassa. L'um è sa blessà grevamain vid il chau ed è vegnì transportà en l'ospital chantunal a Cuira. La Polizia chantunala investighescha en chaussa.
RR novitads 10:00