Legenda:
Maletg da simbol: In luf dal Calanda è vegnì sut las rodas 200 kilometers davent ses da chasa al Calanda.
Keystone
cuntegn
Ulteriur Grischun - Luf grischun vegn sut las rodas en Germania
A Baden-Württemberg è in luf ch'è migrà dal Grischun vegnì sut in auto en. Quai resultia da pliras analisas ch'il laboratori da l'universitad a Losanna ha fatg, uschia il ministeri da l'ambient a Stuttgart.
Il luf derivia da la rotscha dal Calanda. Quai che munta ch'il cadaver dal luf è vegnì chattà radund 200 kilometers en lingia directa da ses da chasa.
L'animal crappà era vegnì chattà il fanadur dasper l'autostrada A 5. Il sulet exemplar da fin qua en il sid-vest da la Germania era vegnì sajettà giu avant 150 onns.
