La damaun baud a las set èsi ì liber: 3’000 scolaras e scolars da las scolas da Cuira han gì la «Maiensässfahrt». Els èn ids cun lur scolast e scolastas a culm. Quai di è stà sut in motto spezial: protecziun encunter il sulegl. La Lia grischuna encunter cancer ha mussà als uffants, co ch'ins sa protegia endretg encunter il sulegl.
Highlight: til cun costums
La saira è alura stà in grond cortegi cun tut ils uffants atras la citad da Cuira. Quest onn eran ils uffants costumads tenor il motto «Churer Spezialitäten».
Il cortegi dal Maiensäss en maletgs
-
Bild 1 von 22. Las spezialitads da Cuira è stà il tema dal cortegi. Qua na dastga il Churer Röteli betg mancar. Bildquelle: RTR, M. Decurtins.
-
Bild 2 von 22. Las pendicularas da chasa da Cuira - las pendicularas da Brambrüesch èn ina spezialitad da Cuira. Ergo era in sujet dal cortegi. Bildquelle: RTR, M. Decurtins.
-
Bild 3 von 22. Era il barbus cun la blusa da signuns tutga tiers, sch'il tema è Brambrüesch. Bildquelle: RTR, M. Decurtins.
-
Bild 4 von 22. Ideas da mascradas che fan surstar era ils mascrads. Bildquelle: RTR, M. Decurtins.
-
Bild 5 von 22. Cabinas da la telecabina da Brambrüesch. Ils da Cuira enconuschan er las singulas numeras sco buns vegls amitgs. Bildquelle: RTR, M. Decurtins.
-
Bild 6 von 22. Las musicas da Cuira accumpognan il cortegi. Bildquelle: RTR, M. Decurtins.
-
Bild 7 von 22. Il vegl bajetg dal museum d'art a Cuira è sta in sujet al cortegi. Bildquelle: RTR, M. Decurtins.
-
Bild 8 von 22. Metter tut en il dretg rom. Ils quadrils da la fassada dal nov bajetg dal museum d'art dal Girschun: Ina da las spezialitads pli novas da Cuira. Bildquelle: RTR, M. Decurtins.
-
Bild 9 von 22. Objects d'art èn ils 'cortegiants' sez era in zichel. Bildquelle: RTR, M. Decurtins.
-
Bild 10 von 22. L'art è en l'intern. Las ramas simboliseschan ils quadrels da la fassada (nova) dal bajetg (nov) dal museum d'art dal Grischun a Cuira. Bildquelle: RTR, M. Decurtins.
-
Bild 11 von 22. Interessant è gea adina: Tge è en en ellas, en las rundellas ;). Bildquelle: RTR, M. Decurtins.
-
Bild 12 von 22. Anc dapli art da rundellas. Bildquelle: RTR, M. Decurtins.
-
Bild 13 von 22. Era ina Viafier Retica che va atras la citad na datti betg savens. Bildquelle: RTR, M. Decurtins.
-
Bild 14 von 22. Cura che la viafier Retica passa tras Cuira ston ils. autos spetgar davostiers. Bildquelle: RTR, M. Decurtins.
-
Bild 15 von 22. Era ils nunmascrads hai dà al cortegi: Scolaras e scolars dal stgalim superiur ed ils scolasts. Bildquelle: RTR, M. Decurtins.
-
Bild 16 von 22. Era betg costumads, però quasi a la testa dal cortegi. Bildquelle: RTR, M. Decurtins.
-
Bild 17 von 22. Ina spezialitad betg mo da Cuira: il favugn che sufla stedi. Bildquelle: RTR, M. Decurtins.
-
Bild 18 von 22. Spierts e nanins datti era a Cuira - almain al cortegi. Bildquelle: RTR, M. Decurtins.
-
Bild 19 von 22. Nua sa zuppan spierts e nanins? Cler: Davos plontas e sut crappa 'uuu' greva. Bildquelle: RTR, M. Decurtins.
-
Bild 20 von 22. La parada da schlaghers tutga tar Cuira sco il tschaiver tar Domat... u na? Bildquelle: RTR, M. Decurtins.
-
Bild 21 von 22. Si cun ellas. Mo per tge stattan ellas? Bildquelle: RTR, M. Decurtins.
-
Bild 22 von 22. Il dialect a 'Khuur' è era ina da las spezialitads da Cuira preschentada al cortegi. Bildquelle: RTR, M. Decurtins.
Plain colurs ed en differentas furmas han els mussà lur costums sut enzainas sco la vopna da la citad, il dialect da Cuira u il museum d'art. Mintga trais onns fan ils uffants il cortegi en costums tenor in motto spezial.
«Mora isch schualfrei!»
Al la fin dal cortegi èn tut las scolaras e tut ils scolars sa rimnads sin la Quaderwiese per chantar la chanzun dal mises e la chanzun da la citad. Finì ha la «Maiensässfahrt» 2016 cun l'annunzia la pli bella per tuts uffants: «Mora isch schualfrai!»