Il Plantahof a Landquart ha ils 27 d'avrigl 2017 envidà a la 33avla dieta da chau d'alps. Sper undraziuns ed in bun gentar hai era dà divers referats. In da quests referats ha Men Bischoff, possessur da la clinica veterinara Alpina a Scuol, manà atras. Referì ha el davart la sanaziun da la bacteria Staphylococcus aureus. Ina bacteria che attatgescha igl iver da la vatga, e sa manar el mender cas tar la mort da l'animal. Uschè prigulusa è la bacteria sur tut perquai ch'ella è fitg resistenta ed ella po esser subclinica. Quai munta ch'ins na vesa tut tenor gnanc ch'ina vatga ha questa bacteria e reagescha memia tard.
audio
Bunura: Staphylococcus aureus – Sensibilisar a la dieta da chaus d'alp
ord Actualitad dals 28.04.2017.
laschar ir. Durada: 2 minutas 26 Secundas.
RR actualitad 07:00