L’interpresa d’informatica internaziunala collavurescha en l’avegnir cun il center d’innovaziun InnoQube Swiss che vegn construì a Cuira. Sco la scheffa da Microsoft Svizra, Marianne Janik, ha communitgà – vegn l’interpresa a perscrutar a Cuira en il sectur da l’intelligenza artifiziala.
Communablamain cun il partenari Microsoft dettia ina rait ensemen cun il project Mia Engiadina, cun il nov InnHub ch'i duai dar a La Punt e cun TheCircle a l'eroport da Turitg, uschia di Franco Quinter, il president da InnoQube Swiss.
Il futur center d’innovaziun InnoQube Swiss porscha 250 novas plazzas da lavur. El custa 30 milliuns francs ed avess dad esser pront l’atun 2020.
