Legenda:
La primavaira 2019 van las glischs ora tar la Möbel Stocker a Cuira.
MAD
cuntegn
Ulteriur Grischun - Möbel Stocker a Cuira serra sias portas
Avant trais onns ha Mostafa Khodarahm surpiglià la fatschenta «Möbel Stocker» da la famiglia fundatura. Uss 67 onns suenter la fundaziun, va l’istorgia da questa fatschenta a fin.
Las portas serra la Möbel Stocker la fin da l’onn, fin la primavaira 2019 vegnian tut las incumbensas dentant ademplidas. Manà a questa decisiun hajan diversas raschuns, scriva la fatschenta. Uschia cumpria la glieud ozendi auter lur mobiglias, vitiers vegnia il commerzi online ed il ferm franc che laschia ir la glieud en l’exteriur a cumprar.
Cura che la Möbel Stocker serra, perdan 12 persunas lur lavur.
