Ulteriur Grischun - Nagins problems cun il center da requirents a Domat
Ils 26 d’october 2015 ha il chantun Grischun avert in center temporar per requirents d’asil a Domat en il tschaler da la protecziun civila. Cunquai che quel è gest sut la scola a Caguils, avevi dà tscherts dubis.
Legenda:
Tant ils vischins da Domat sco er la polizia e l’Uffizi da migraziun èn cuntents cun ils requirents d’asil a Domat.
Keystone
Ils vischins che RTR ha dumandà sin via en vischinanza da la scola, n’han fin ussa gì nagins problems cun ils requirents, quels na hajan betg dat en egl a moda negativa.
Er il manader da l'Uffizi da migraziun, Marcel Suter, è fin ussa cuntent. I n’haja betg dà pli gronds problems. Quai conferma er la polizia chantunala. Els na sajan fin uss betg vegnids clamads al lieu.
