Legenda:
Natalie Bearth entamez, sin plazza dus Christian Mehli e sin plazza trais Andrea Hardegger.
mad
cuntegn
Ulteriur Grischun - Natalie Bearth è campiunessa grischuna en siglir cun chaval
La Sursilvana Natalie Bearth è la nova campiunessa grischuna en siglir cun chaval. Cun ses chaval La Luna è ella stada l'unica senza sbagls durant ils 3 dis al campiunadi grischun a Maiavilla.
Legenda:
Natalie Bearth sin ses chaval La Luna
mad
Natalie Bearth succeda uschia a Christian Mehli ch'è vegnì vice-campiun grischun quest onn cun ses chaval Samarand.Bearth e Mehli eran ils unics ch'avevan dumagnà ils quatter percurs senza far dar giu in obstachel.
Dumagnà il defensur dal titel
En in percurs decisiv per il titel ha Natalie Bearth lura battì il defensur dal titel. Terza è vegnida Andrea Hardegger da Zuoz cun ses chaval Radja. L'Engiadinaisa ha battì en in percurs decisiv per la medaglia da bronz Michaela Schorro cun Clair de Lune e Tatjana Arpagaus cun Cartanis Lady.
