Legenda:
Il directur dal festival d'umor, Frank Baumann ed ils comichers Manuel Burkart e Jonny Fischer.
Festival d'umor Arosa
cuntegn
Ulteriur Grischun - «Pala d'umor» va a Divertimento
Per l'emprima giada vegnan dus comichers undrads cun quest premi al festival d'umor ad Arosa. Jonny Fischer e Manuel Burkart pon uschia star en retscha cun persunalitads sco Eveline Widmer-Schlumpf, Doris Leuthard, Roger de Weck, Pierin Vincenz ubain Samih Sawiris.
Nominads per questa pala or da glatsch eran quest onn: DJ Bobo, Röbi Koller, Xherdan Shaqiri, Johann Schneider-Ammann, Jogi Löw, Büne Huber ed il duo Divertimento. Ils dus comichers sajan stads surprais e commuventads, scrivan ils organisaturs dal festival d'umor ad Arosa. Quest duo saja in fenomen. Dapi numerus onns possian ils dus comichers intgantar lur public en l'entira Svizra. Els hajan grond success e tuttina sajan els restads modests.
