Legenda:
Pervi da l'accident era la via dal Partenz bloccada per duas uras amez.
mad, Polizia chantunala
cuntegn
Ulteriur Grischun - Partenz: 6 blessads tar collisiun frontala
En tut èn stads involvids trais autos en la collisiun. Pervi da l'accident aveva la polizia serrà l'A28 tras il Partenz per duas uras e mez. Quai communitgescha la polizia chantunala.
Ils dus autos sajan collidads frontalmain il venderdi suentermezdi curt avant las 15:00 tar Fuchsenwinkel sin l'A28 en vischinanza da Schiers, scriva la polizia. Ina persuna è vegnida blessada vi dal dies, ina segunda saja blessada mez-grev e las ulteriuras 4 persunas hajan blessuras levas.
La polizia aveva organisà in sviament dal lieu d'accident. En acziun eran er ils pumpiers Mittelprättigau e collavuraturs da l'Uffizi da construcziun bassa dal chantun Grischun.
