Legenda:
Patrick Arnet ha fundà la Biereria Cuira SA. (maletg d'archiv)
MAD
cuntegn
Ulteriur Grischun - Patrick Arnet è il nov schef da las pendicularas Brambrüesch
Tar las pendicularas vegnan las spartas manaschi, tecnica ed administraziun reunidas a partir da la stagiun da stad ad in team directiv operativ. Cun Patrick Arnet a la testa.
Patrick Arnet che daventa nov mainafatschenta è vegnì enconuschent sco fundatur da la Biereria Cuira SA. Il davos era el engaschà tar l'Aua da Val. L'um da 48 onns ha rimnà experientscha professiunala tar differentas interpresas pitschnas e mesaunas, ma er tar firmas grondas sco Hilcona, Nestlé e Coca-Cola.
Arnet daventa successur da Manuela Seeli. Sper el ha il cussegl d’administraziun anc elegì André Müller sco manader tecnic. Cumplettà vegn il team da direcziun da Andrea Beerli.
