Legenda:
Er Fläsch vul cumbatter la polluziun da glisch (maletg simbolic).
Keystone
cuntegn
Ulteriur Grischun - Premi per Fläsch per reducir la polluziun tras glisch
La vischnanca da Fläsch survegn il premi «Elisabeth ed Oscar Beugger» per ses project per damain illuminaziun en la natira. Sco la Pro Natura scriva, veglia il project proteger ils animals da memia blera glisch artifiziala e promover la stgirezza natirala da la notg.
Cun il premi «Elisabeth ed Oscar Beugger» vegnan premiads quest onn per l'emprima giada dus projects: in project plitost visiunari e l'auter in project concret, communitgescha Pro Natura. Sper Fläsch survegn er il project «Cuntrada da notg parc natiral Gantrisch» da l'uniun da promoziun regiun Gantrisch (BE/FR) il premi.
Il premi
Avrir la boxSerrar la box
Cun il Premi Elisabeth ed Oscar Beugger premiescha Pro Natura mintga dus onns projects exemplarics davart la protecziun da la natira e da la cuntrada. Il premi è dotà cun 50'000 francs.
Premis fin uss han survegnì:
2016 Promoziun dal cuacotschna d'iert en la citad da La Chaux-de-Fonds
2014 Project d' entretschament Höfe (SZ), per stgaffir dapli territoris da palì
2012 Vischnanca Mörel-Filet (VS) per la plivalur da l'alp
2010 Project «Fain selvadi» dal chantun Uri
2008 Fondazione Bolle di Magadino per il project da plivalur per la planira da Magadino
Il premi ch'è dotà cun 50'000 francs vegn surdà ils 7 da november a Basilea.
