Ulteriur Grischun - Rehanau: Segunda punt da viafier
La punt da viafier sur il Rain posteriur a Rehanau survegn ina sora pli giuvna. La Viafier retica ha decidì la concurrenza da project. Ord 42 propostas inoltradas ha gudagnà il project «sora giuvna» da la cuminanza d'inschigniers Flint&Neill Ltd. London / Walt Galmarini SA Turitg.
En vista da la purschida futura ha la Viafier retica projectà ina prolungaziun dal binari dubel a Rehanau.
Quest binari dubel stabilisescha l'urari da tren en direcziun Surselva ed Alvra. Per prolungar il binari dubel dovri ina segunda punt da viafier sur il Rain posteriur, directamain sper la punt existenta.
Tut ils project inoltrads èn exponids en las localitads da la HTW Cuira, quai dals 29 da settember fin ils 9 d'october.
