Legenda:
L'accident è capità sin la Deutsche Strasse a Zizras.
MAD
cuntegn
Ulteriur Grischun - Scolara d'ir cun auto chaschuna accident
A Zizras è in auto collidà cun in velocipedist. L'um da 74 onns che charrava sin in e-bike è sa blessà grevamain. Sco la Polizia chantunala scriva era l'automobilista ina scolara d'ir cun auto.
Malgrà las stentas da la manischunza da 27 onns e da la scolasta d'ir cun auto na saja betg stà pussaivel d'evitar ina collisiun frontala. L'um da 74 onns ha blessà ses chau e pers la schientscha tar l'accident. El è vegnì transportà a l'Ospital chantunal.
