Pervi d'avis ha la polizia chantunala controllà duas chasas d’abitar a Trimmis. Els hajan confiscà en tut 110 plantas da chonv e 155 grams mariuana, communitgescha la polizia chantunala. Dus frars en la vegliadetgna da 23 onns e 25 onns ha la polizia arrestà.
Ils dus umens han confessà d’avair manischà la plantascha da chonv dapi in onn e mez. Durant quest temp hajan els racoltà 1,5 kilos flurs da mariuana e vendì quellas per 11’000 francs.
RR novitads 18:00