Legenda:
Cun 1'197 cunter 1'098 vuschs ha Tavau refusà da suttameter pe da taglia e budget al referendum facultativ.
mad
cuntegn
Ulteriur Grischun - Tavau: Nagin referendum facultativ per pe da taglia e budget
Il suveran ha refusà da suttameter il pe da taglia ed il budget al referendum facultativ. Quai cun 1'197 cunter 1'098 vuschs. Cler gea han ils da Tavau percunter ditg a la garanzia da la vischnanca per in emprest federal per la finaziaziun dal campus d'allergia. Quai cun 1'995 cunter 394 vuschs.
A Tavau resta il pe da taglia ed il budget communal suttamess al referendum obligatoric. Uschia ston ils da Tavau vinavant refusar u acceptar tant il pe da taglia so il budget a l'urna.
Cun il gea a la garanzia da la vischnanca per la finanziaziun dal campus d'allergia, survegn Tavau l'emprest federal da dus milliuns francs per il project sin l'areal da la clinica otalpina.
