La dumengia saira è in automobilist da 58 onns charrà dal Cholplatzweg en direcziun vitg sura da Trimmis. Il medem mument era la ciclista da 57 onns cun ses velo electric sin viadi en la direcziun cuntraria. En ina curva hai dà ina strivlada tranter l'auto e la dunna cun ses velo, scriva la polizia chantunala. Sinaquai saja la dunna (che na purtava nagina chapellina) cupitgada e dada giu ferm sin la via cun ses chau. L'ambulanza ha transportà la dunna blessada en l'Ospital chantunal dal Grischun a Cuira.
RR novitads 18:00