-
Bild 1 von 4. Tschertgà babysitter pels urs:. Trais tgiraders dad animals tschertga Arosa per ses parc d'urs. Bildquelle: Fundaziun Bären Arosa.
-
Bild 2 von 4. Grond resun: . 25 persunas èn s'annunziadas per las trais plazzas sco tgirader dad urs ad Arosa (maletg da simbol). Bildquelle: Keystone.
-
Bild 3 von 4. Ils urs vegnan deliberads or da nauschas cundiziuns... Bildquelle: Vier Pfoten.
-
Bild 4 von 4. ... e chattan sin 2'000 meters sur mar in nov dachasa. Bildquelle: Fundaziun Bären Arosa.
Per il post sco manader dals tgiraders dovri il certificat federal sco tgirader d'animals. Tschellas dus plazzas na dovran betg quai. Experientscha da lavurar cun animals dovri en mintga cas. Bun è era d'esser in pau in «Allrounder». Da la tgira dals urs, cumadar saivs, pulir las cellas dals urs, pavlar els, preschentar il parc a turists ed uschè enavant è tut inclus.
Il proxim temp han lieu ils discurs cun ils candidats. Fin la fin dal mais tschernan ils manaders lur tgiraders.
Proxima sfida: transport dals urs
Cun quai ch'ils urs vegnan da l'ost da l'Europa, è il transport ina gronda chaussa. Suenter discurs cun las regenzas ed ils possessurs dals urs, vegnan quels transportads sin via enfin Cuira. Là mida l'urs il vehichel. Cun il tren va el enfin Arosa, e da là cun la pendiculara fin la staziun a mez dal Weisshorn. Là è lura il nov dachasa, il parc d'urs dad Arosa.
L'organisaziun «Vier Pfoten», che finanziescha era la gronda part dal parc d'urs, organisescha il transport è discurra er cun ils possessurs.
Parc d'urs avra il pli tard la stad
Uschè spert cha la naiv è davent cuntinuescha la construcziun dal parc. Quella è per il mument en la pausa d'enviern. Tut tenor quant lunga cha quella è, pon ils responsabels avrir il parc la primavaira u la stad.
RR actualitad 17:00