Legenda:
(da san. a dretg) Marco Engi, president da l'uniun turistica Tschiertschen-Praden, Johann-Georg Bircher, manader da fatschenta da l'uniun turistica Tschiertschen-Praden, Leonie Liesch, directura da Cuira turissem, Rico Monsch, president Cuira turissem.
MAD, Cuira turissem
cuntegn
Ulteriur Grischun - Tschiertschen-Praden collavura cun Cuira turissem
Cuira turissem è en futur responsabel per las activitads da marketing da Tschiertschen-Praden. La destinaziun dal Scanfetg spera uschia da survegnir in meglier access a novas fieras, scrivan els en ina communicaziun.
En il center stettia da commerzialisar pli activ sco era da rinforzar la marca «Tschiertschen», ha declerà il president da l'uniun turistica Tschiertschen-Praden, Marco Engi. Plinavant speran els dad uschia survegnir access al martgà da la regiun da Cuira.
Er per la directura da Cuira turissem, Leonie Liesch fetschia senn da collavurar anc pli ferm. La cooperaziun funcziunia gia bain, per exempel cun l'Alpina Mountain Resort u er la firma Alpenhirt. Er geograficamain sajan las regiuns colliadas bain. Il giast che giaja a Tschiertschen giaja automaticamain dasper Cuira ora.
