-
Bild 1 von 6. Il portal vest avant Küblis/Dalvazza ch'il traffic cuntascha sur ina rundella. Bildquelle: RTR, G. G. Flepp.
-
Bild 2 von 6. Il nov tunnel dadens. Bildquelle: RTR, G. G. Flepp.
-
Bild 3 von 6. Il tunnel da segirezza che va parallel cun il tunnel da traffic. Sur quel pon ins rivar en il liber en cas d'accident. Bildquelle: RTR, G. G. Flepp.
-
Bild 4 von 6. Il chanal da fieu. sur il tunnel da traffic. Qua vegn il fim tschitscha en e manà en il liber en cas d'in incendi en il tunnel. Bildquelle: RTR, G. G. Flepp.
-
Bild 5 von 6. Ina clappa en il plantschieu sura che po vegnir averta per tschitschar il fim or dal tunnel da traffic en cas da fieu. Bildquelle: RTR, G. G. Flepp.
-
Bild 6 von 6. A l'entrada ost po il traffic che vegn da Tavau e da Claustra vegnir svià en cas d'in accident cun saivs automaticas. Bildquelle: RTR, G. G. Flepp.
Dapli infurmaziun davart il tunnel da sviament
Tuttina munta damain traffic tras il vitg era damain clientella per tancadis, fatschentas ed ustarias. Ils mainis tar la populaziun da Küblis èn dividids.
Nagins problems - be sfidas
Tenor l'Uffizi da construcziun bassa è tut ì tenor plan. Cun custs da radund 210 millliuns francs è la construcziun restada en il buget e tiers è ella anc stada a fin in zic pli baud che planisà.
Sfidas hai tuttina dà da surmuntar. Tenor Roger Stäubli, il mainaproject, saja ina sfida stada l'aua sutterana ch'il tunnel traversa sin in tschancun curt suenter l'entrada a Küblis/Dalvazza. Sin quai tschancun hajan ins stuì bajegiar tut uschia che l'aua na possia betg entrar.
La segunda sfida è tenor Stäubli stada in tschancun da crappa lucca ch'era da surmuntar en la regiun dal Schanielatobel. Per garantir la segirtad dals lavurers han ins en in emprim pass construì sc'ina stgaffa enturn il profil dal tunnel e silsuenter chavà or la crappa lucca.
RR actualitad 17:00