La bar aveva gia dapi il 2011 problems finanzials, ha dentant adina puspè chattà ina soluziun. Per quella giada na han ins betg pli chattà ina soluziun adequata. Enfin la fin dal mais vul ins ussa anc organisar numerus eveniments per far avunda raps per pudair pajar las pajas da collavuraturs ed auters quints.
Lieu per la scena culturala
Il 1999 ha la societad cooperativa «Stattwerk» fabritgà cun donaziuns e blera lavur voluntaria la localitad. Or da la fuschina d’arom è uschia daventà in centrum da cultura a Cuira. Numerus artists locals sco era internaziunals han fatg preschentaziuns en il local en la citad veglia.
RR novitads 11:00