Las auturas ed ils auturs vulan emprender dapli davart il museum ed er davart l'artist Ernst Ludwig Kirchner che ha vivì 20 onns a Tavau. L'idea dal directur dal museum Kirchner è da lavurar ensemen cun la plattafurma Wikipedia per laschar cumplettar ils artitgels existents. Cunzunt davart las lavurs e las ovras da Kirchner saja anc pac online.
Promoziun e savida culturala
Instituziuns culturalas lavuran gia daditg ensemen cun Wikipedia. Sin questa moda possian ins parter la savida culturala cun la publicitad. Tenor il directur dal museum Kirchner, Thorsten Sadowsky, è Wikipedia in'ideala plattafurma per parter la savida cun laics sco era cun scienziads.