Siglir tar il cuntegn

Header

Navigaziun

auto senza roda
Legenda: L'auto suenter ils accidents e suenter avair pers la roda davant sanester. mad / Polizia chantunala
cuntegn

Ulteriur Grischun 2 accidents e pers ina roda – il manischunz ha continuà

La sonda è in automobilist dad 80 onns collidà tranter Tavau e Claustra cun dus autos. Malgrà quellas duas collisiuns, è l’um charrà vinavant enfin ch’i na saja betg pli sta pussibel da manischar l’auto, communitgescha la Polizia chantunala.

Suenter che l’um saja collidà cun l’emprim auto saja el charrà vinavant e pli tard collidà cun in segund auto al Grüenbödeli. Dentant era la segunda collisiun n’haja betg franà il manischunz. Pir cura che la roda sanestra davant saja crudada davent ed il giavegl era isà giu, haja el franà. Ils donns tar ils trais autos muntan tenor schazetg da la polizia passa 10'000 francs.

La polizia ha retratg per immediat il permiss dad ir cun auto.

RR novitads 14:00