Siglir tar il cuntegn

Header

cuntegn

200 onns chapitala dal chantun Cuira è per casualitad chapitala dal Grischun

Amez il Grischun sa chatta la chapitala dal Grischun – Cuira. Avant 200 onns è ella vegnida fixada sco lieu, nua ch’ils deputads sa scuntran per las sesidas dal Cussegl grond. La decisiun da far ord Cuira la chapitala è dentant stada ina casualitad.

audio
200 onns chapitala – il cumenzament da la citad da Cuira
ord Actualitad dals 29.06.2020.
laschar ir. Durada: 4 minutas 11 Secundas.
Sco lieu per sesidas dal Cussegl grond vegn elegì la citad da Cuira. Dentant po il Cussegl grond tut tenor era midar il lieu menziunà.
Autur: 6avel paragraf Urden da gestiun da l'onn 1820

Lasuenter fissi stà pussaivel dad midar il lieu da sesidas, che definiva medemamain era la chapitala.

Il Grischun crescha sfurzadamain ensemen

Il motiv daco ch’il Cussegl grond n'ha betg vulì sacrosanctamain definir ina chapitala – deriva dal temp avant la fundaziun dal Grischun en l’onn 1803. Ditg avant la fundaziun sa cumponiva il chantun da trais Lias cun mintgamai trais vischnancas principalas. La Lia da la Chadé cun la vischnanca Cuira, la Lia da las diesch dretgiras cun Tavau e la Lia grischa cun Glion sco vitg principal.

Ulf Wendler

Avrir la box Serrar la box
Legenda: RTR, Lukas Quinter

Dapi 2006 è Ulf Wendler l'archivar da la citad da Cuira. El ha durant ses temp sco archivar publitgà intgins cudeschs davart la citad, per exempel: «Chur 1893. Glanz und Dreck einer Alpenstadt im Industriezeitalter»

Sin cumond da l'imperatur franzos Napoleon Bonaparte che regiva sur il territori da la Svizra moderna – hajan las trais Lias stuì collavurar pli stretg, cunquai che la tenuta federalistica na plascheva betg a Napoleon. Uschia è il chantun Grischun naschì il 1803 e tut ils commembers da las 3 Lias han stuì vegnir a frida cun in l’auter. Per betg dar memia bler pussanza a Cuira, n'hajan ins betg vulì manifestar Cuira sco chapitala en las leschas.

Cuira persvada grazia a ses lieu central

Suenter ch’il Grischun è vegnì fundà il 1803 han bleras sesidas dal Cussegl grond gì lieu a Cuira senza definir quai sin palpiri. Grazia a sia grondezza da lezzas uras cun 3'200 abitants e sia infrastructura existenta – è Cuira stà adattà. Betg il davos era perquai che Cuira sa chatta amez il Grischun ed era gia lura bain cuntanschibel per ils deputads da tuttas regiuns dal chantun.

RTR actualitad 07:00

Artitgels legids il pli savens