Ulteriur Grischun - 3 dis da festa a Cuira senza gronds incaps

E la festa saja stada per la pli gronda part paschaivla, sco la Polizia da la citad scriva. Sulettamain la notg da venderdi sin sonda è ina persuna vegnida blessada tar in’attatga datiers da la plazza da la posta. En quest cas tschertga la Polizia chantunala perditgas.

Legenda: Las pli bellas barbas alpinas: il victur Kurt Rohner entamez, sanester e dretg Willi Preuss e Hans Gassner. mad

Festa en 32 lieus

Var 60 uniuns han procurà per il bainstar dals 90’000 visitaders, quai cun spaisas e musica. Diversas attracziuns han delectà la glieud, uschia era il 30avel inscunter da barbas alpinas. Gudagnà quest inscunter ha Kurt Rohner da Diepoldsau.

Alcohol cun mesira

Per cuntanscher ch'ils giuvenils baivian cun mesira, ha il comité d'organisaziun puspè repartì 21'000 bindels da controlla, circa tuttina blers sco l'onn passà. E tar cumpras da test fatgs tar stans ed en ustarias durant la festa da Cuira è sa mussà, che passa duas terzas dals controllads han resguardà las limitas per vender alcohol a giuvenils.

RR Novitads 18:00