La festa da Cuira festivescha quest onn ses 30avel giubileum. Per ils proxims trais dis èn millis sin las vias da Cuira per star da cumpagnia, ballar u mangiar.
audio
Saira: La festa da Cuira ha cumenzà
02:20 min, ord Actualitad dals 16.08.2019.
laschar ir. Durada: 2 minutas 20 Secundas.
Averta è la festa vegnida cun differents pleds festivs ed in concert da «Les Hirondelles» – quasi ils Beatles da Cuira.
Ils «Beatles da Cuira» fan l'avertura musicala
La band Les Hirondelles exista pli ditg che la festa da Cuira sezza. Fundada è la band numnadamain vegnida l'onn 1962 da Paul Scherrer, Florian Derungs e Jörg Matthis. Dapi lura ha la band sunà gia var 15 giadas a la festa da Cuira, sco che Jonny Peterelli di:
audio
Saira: Johnny Peterelli e «Les hirondelles»
06:56 min, ord Actualitad dals 16.08.2019.
laschar ir. Durada: 6 minutas 56 Secundas.
Festas da musica deva quai dentant gia avant la festa da Cuira. Uschia han Les Hirondelles sunà per l'emprima giada l'onn 1965 al «Zunftfescht» a Cuira. Ina festa che aveva in concept sumegliant sco la festa da Cuira.
«Les Hirondelles»
Avrir la boxSerrar la box
Dapi l'onn 1964 – pia dapi 55 ans sunan ils «Beatles da Cuira» gia en la medema furmaziun.
Quella consista ord Paul Scherrer (ghitarra) Charly Spadin (battaria), Jonny Peterelli (bass ghitarra), Peter Scherrer (chant, ghitarra) e Lieni Denoth (bass).