Malgrà la trid'aura èn vegnids construids 452 umets - la gronda part dad uffants, ma er da persunas creschidas. La pli grond'activitad da construcziun è stada en las fasas da sulegl sur mezdi. La gronda part dals participants han stuì vesair che far uschè in umet da crap n’è betg simpel. Er las guidas da la citad e dals museums èn stadas in success, scrivan ils responsabels.
Differentas occurrenzas
Las occurrenzas en la chapitala Grischuna duain tenor ils organisaturs sa drizzar a persunas che s’interesseschan explicitamain per il patrimoni mundial da l'UNESCO, l’Organisaziun da las Naziuns Unidas per educaziun, scienza e cultura.
Ma er passants ch’èn casualmain a Cuira duain survegnir in’idea dal patrimoni mundial Sardona.
La prova da record mundial «Ils pli blers umets da crap en ina citad» sin l'Alexanderplaz a Cuira duai effectuar ina gronda preschientscha mediala ed en general render attent a l’Arena tectonica Sardona.
RR novitads 20:00
