Era en la chapitala a Cuira hai dà ina nova infecziun. I sa tracta d'in collavuratur en ina bar. Durant ch'el ha lavurà en la bar eran 130 persunas en il local. Perquai èn il mument 65 persunas en quarantina, sco la media chantunala Marina Jamnicki ha confermà.
Il contact tracing cuntinuescha
Er infurmà davart contact tracing, han la gievgia experts a Berna. Cartaivlamain stoppian il proxim temp anc dapli persunas ir en quarantina. Il mument hajan ils chantuns avunda resursas per far quella lavur, pia da persequitar enavos ils cas, ha ditg la media chantunala bernaisa, Linda Nartey, davant las medias.
video
Linda Nartey: «Contact tracing n'è betg in med universal»
Or da News-Clip dals 09.07.2020.
laschar ir. Durada: 1 minuta 9 Secundas.
