Siglir tar il cuntegn

Header

Navigaziun

Legenda: Guardar il video 8 milliuns per vias da guaud. Durada 02:25 minutas.
Or da Telesguard dals 29.04.2019.
cuntegn

Ulteriur Grischun 7,7 milliuns francs per 10 km vias da guaud a Domat

A Domat è vegnì fatg oz l’emprima badigliada per sanar vias da guaud. Quest project custa 7,7 milliuns francs e cuzza tranter 6 e 10 onns. Dus terzs dals custs surpiglia il chantun, in terz la vischnanca. La finamira è da rinforzar il guaud.

8,8 km vias da guaud vegnan sanadas, ultra da quai datti ina nova via da guaud da 550 meters. Per Magnus Rageth, manader regiunal da l’Uffizi da guaud e privels da la natira è quai nairas uras che quest project vegni realisà.

Nus avain qua guaud da protecziun. E questa protecziun vulain nus mintga secunda, di e notg. E perquai dovri tgira da guaud, e per la tgira dovri ina via da basa.
Autur: Magnus Ragethmanader regiunal da l’Uffizi da guaud e privels da la natira

Lain è grev, perquai dovri vias charrablas per camiuns. Las vias da guaud vegnan ultra da quai era duvradas dals possessurs da mises e da lavurers che ston ir tar las funtaunas che portan l’aua en vischnanca.

Il chantun surpiglia dus terzs dals custs

4,9 milliuns francs paja il chantun per la sanaziun da las vias da guaud, 2,8 la vischnanca politica, malgrà che la vischnanca burgaisa è la possessura dals guauds. La vischnanca politica po dentant far diever dal guaud, perquai è ella obligada da pajar tut ils custs da mantegniment e da sanaziun.

Las sanaziuns èn necessarias

Erich Kohler, il president da Domat na s’enricla betg d’investir tants daners en las vias da guaud. Cun la nova via hajan els access ad in guaud da protecziun impurtant. Uschia possian ils lavurers forestals prender viadora las plantas derschidas e cultivar e rinforzar il guaud da protecziun.

RR actualitad 17:00