Siglir tar il cuntegn

Header

cuntegn

Ulteriur Grischun 8% dapli visitaders a la Sonda lunga

La Sonda Lunga 2018 a Cuira è stada in success. Tenor ils organisaturs hajan ins dumbrà radund 5'000 visitaders. Cumpareglià cun l’onn avant è quai in plus da bunamain 8%.

Fatg part da la 12avla ediziun da l’occurrenza han 20 chasas. Tranter auter la Lia Rumantscha, la Viafier Retica e la Biblioteca chantunala dal Grischun. Tenor ils organisaturs sajan las cundiziuns stadas meglras dapi l'onn 2016. Damai che pli bleras chasas sa participeschian, sa repartian er las persunas meglier sin las differentas chasas, e la purschida saja er pli gronda.

Bler da viadi

Pervi da las temperaturas miaivlas èn ils visitaders ids pli tgunsch da lieu tar lieu. En tut han las chasas ch'èn sa participadas dumbrà da mezdi fin mesanotg radund 23'000 entradas. Quellas èn sa repartidas tranter las vegliadetgnas. 20% èn stads uffants e giuvenils enfin 16 onns, 10% giuvenils e giuvens creschids da 17 fin 25 e creschids davent da 26 onns han fatg or radund 70% dals visitaders.

RR novitads 14:00

Artitgels legids il pli savens